Nor gara

Suaker Estrategi eta Rol Jokoen Elkartea Zarautzen sortu zen 2004-ko abenduan. Lagun talde ugariren artean sortu genuen, apenas ezagutzen ginen, baina zaletasun batek elkartzen gintuen: estrategi eta rol jokoak atsegin genituen.

Ordutik, makina bat urte pasa dira, eta ahinbat jarduera eraman ditugu aurrera:

• 2005 eta 2006 urteetan, ainbat jarduera antolatzen ditugu (rol eta estrategia partidak), Gaztelekuan, ze ez genuen beste lekurik.
• 2005 eta 2006 urteetan, baita ere, elkarlanean ibili ginen jarduerak antolatzen, besteak beste, gaur egun bertan behera utzi zen “Federación Guipuzcoana de asociaciones de rol, informática y otras actividades de tiempo libre Cronos”-rekin, Donostiako “Agrupación Atlas”-rekin, Irungo “Asociación TEMPUS”-rekin, Iruñeako “Asociación de Tiempo Libre Alter Paradox”-rekin, etab.
• 2006ean gure elkartea dagoeneko bere heldutasunera iritsi dela deritzogu, eta udalari lokal bat eskatzen diogu, bertan, gure jarduerak jorratzeko, eta denbora honetan elkartzen joan garen material espezializatu guztia gorde ahal izateko.
• Udalarekin bildu eta gure jarduerak azaldu ondoren, guri bistalegren lokal bat lagatzea egokitzat jotzen dute, besteak beste, bistalegreko auzo elkartearekin elkarbanatua. Gaur egun lokal berean jarraitzen dugu.
• 2006 urtearen bukaeran, gure rol eta estrategia jokoen liburutegi espezializatua bistalegreko lokalera eramaten dugu, eta gure jarduera bertan jorratzen hasten gara.
• 2007an Web orri bat jartzen dugu martxan, foru eta guzti, gure pasioataz hitz egiteko. Sare sozial modernoek zaharkitua utzi zuten Webgune hau, eta erabiltzeaz utzi genion gutxinaka, beraz, gaur egun darabilgun Facebook orriagatik aldatu genuen. Baina hau ere zaharkitua geratzen ari da.
• 2010ean Suakerren lehen jardunaldiak antolatu genituen gaztelekuan. Aste bukaera oso bat iraun zuten, ostiral eguerditik, igande arratsalderarte, eta bertan, ainbat jarduera ludiko eskeini genituen rol, estrategia eta erlazionatutako gaiekin. Udalaren laguntza oradainezinarekin lortu genuen, zeren Gaztelekua, mahaiak, aulkiak eta proiektore bat laga zizkigun, eta gainera ondoren subentzio bat eman zigun egindako gastuei aurre egin ahal izateko.
• 2012an Suakerren bigarren jardunaldiak antolatu genituen, 2010ean egin genuen legez.
• 2013an Suakerren hirugarren jardunaldiak antolatu genituen, 2010ean eta 2012an egin genuen legez. Aipatu nahi dugu aldi honetan, laguntza gabeko adingabeko askoz gehiago etorri zirela, eta “gainezka” egin zigutela eta lapurreta txiki batzuk jasan genituela.
• 2014tik 2020ko martxoan COVID-19aren osasun krisia hasi arte, urtero ainbat jardunaldi txiki antolatu ditugu, jendarte txiki-ertain batentzat, 8tik 30en batera bakoitza, adibidez: “zuzenean” motako rol partidak, “retrogamming” saioak, “Magic: The gathering” estrategia jokoaren txapelketak, etab.
• COVID-19aren osasun krisiak iraun duen bitartean, gure jarduera internetera eraman genuen, VTT direlakoak erabiliz.
• 2021-eko bukaeratik gaurarte, gure jarduera, gure lokalera bueltatzen ari gara, gutxinaka gutxinaka.

Gaur egun, elkartzen jarraitzen gara gure zaletasuna jorratzeko, bai gure lokalean presentzialki, bai internet bidez VTT direlakoak erabiliz.

Zergatik

Gure xedea Rol eta estrategi jokoak ezagutzera eman eta hauen zaletasuna hedatzea dira, irakurketa, talde lana, adiskidetasuna eta orokorrean kultura sustatzen duen entretenimendu aberats moduan.

Baina, zergatik sortu elkarte bat?

• Zaletasun minoritario bat denez, zaila delako mundu honetan sartzea. Batez ere gazteentzat. Eta bidea erraztu nahi genien.
• Elkargune bat nahi genuelako, gure zaletasunari buruz solastu eta jakituria elkarbanatu ahal izateko, eta bide batez, rol eta estrategia partidak antolatu ahal izateko jendea non ezagutu.
• Bakoitzak urteetan zehar pixkanaka lortu genituen liburuak eta jolas materiala besteekin elkarbanatu nahi genuelako.

Non gaude

Beste elkarte kultural batzuekin elkarbanatzen dugun Zarauzko udalaren lokal batean gaude, bistalegren, eta han bertan antolatzen ditugu gure jarduera gehienak.

Kontaktatu

Berriak